• 27.09.2022

Пружанская районная библиотека им. М.Засима

Пружанская централизованная библиотечная система

Ад глінянай таблічкі да друкаванай старонкі

4 верасня наша краіна адзначае  Дзень беларускага пісьменства.

Каменныя і гліняныя пліты, дошчачкі, бяроста, тканіна, папірус, пергамент, папера… Якім жа доўгім і складаным быў шлях да пісьменнасці! Прынята лічыць, што пачатак яму быў пакладзены каля шасці тысяч гадоў таму, прыкладна, у 4 тысячагоддзі да нашай эры. Кніга ж на Беларусі з’явілася ў 10 ст., разам з хрысціянствам.

Дзень пісьменства – свята, якое  дапамагае людзям захоўваць  гістарычную спадчыну і памяць аб  продках-асветніках. Гісторыя свята мае добрую традыцыю — праводзіцца ў розных гарадах Беларусі, звязаных з асветай і адраджэннем пісьменства.

У 2022 г.  Дзень беларускага пісьменства прыме г. Добруш, вядомы з 16 ст. Тут былі заснаваны першыя ў Беларусі папяровая фабрыка і фарфоравы завод. А адным са знакамітых ураджэнцаў Добрушскага краю з’яўляецца класік нацыянальнай літаратуры – пісьменнік  і драматург Іван Шамякін.

У чытальнай зале раённай дзіцячай бібліятэкі імя А. Лось аформлена тэматычная паліца “Ад глінянай таблічкі да друкаванай старонкі” (да Дня беларускага пісьменства).

 

Чулец Г. А. (бібліятэкар РДБ імя А. Лось)

 

 

Поделиться новостью: