Пружанская районная библиотека им. М.Засима

Пружанская централизованная библиотечная система

Калі душа і прыгажосць сугучны

 

Чарговая выстава творчых аўтарскіх работ пачала дзейнічаць у чытальнай зале Ружанскай гарпасялковай бібліятэкі. На гэты раз жыхары Ружан і госці пасёлка маюць магчымасць пазнаёміцца з майстэрствам рук і творчай фантазіяй мясцовай жыхаркі Ганны Васільеўны Хмялеўскай.

Экспазіцыя, прадстаўленая наведвальнікам бібліятэкі, уключае ў сябе больш за 40 аўтарскіх работ — вышыўка гладдзю, крыжыкам, алмазная тэхніка вышыўкі. Вочы чытачоў радуюць карціны рознай тэматыкі: іконы, цудоўныя пейзажы, выявы жывёл, нацюрморты, таксама ручнікі, сурвэткі. Кожная праца створана з цеплынёй, любоўю і жаданнем зрабіць жыццё прыгажэйшым. Таму і назва  выставы  адпаведная – “Калі душа і прыгажосць сугучны”.

Шмат цёплых водгукаў пакінулі ружанцы пра работы Ганны Васільеўны, а таксама пра яе асабістыя якасці. Жанчына сціплая, добразычлівая, працавітая, адказная. Можа, таму яна яшчэ працягвае працаваць, хоць і знаходзіцца на заслужаным адпачынку. Вольнага часу зусім мала, але рукадзельніца знаходзіць час і для свайго любімага занятку. Творчых поспехаў Вам, Ганна Васільеўна, і моцнага здароўя!

Севасцьянчык Н.У. (бібліятэкар Ружанскай ГПБ)

Поделиться новостью: