ПАЛАЖЭННЕ аб раённым конкурсе буктрэйлераў па творах Уладзіміра Караткевіча

  Зацвярджаю:

Дырэктар Пружанскай ЦБС

___________Т.Р. Гуторкіна

                                14.03.2025

ПАЛАЖЭННЕ

аб раённым конкурсе буктрэйлераў па творах Уладзіміра Караткевіча

“Гісторык. Патрыёт. Прыгоднік”

1. Агульныя палажэнні:

1.1. сапраўднае Палажэнне аб раённым конкурсе буктрэйлераў па творах Уладзіміра Караткевіча “Гісторык. Патрыёт. Прыгоднік” (далей – Палажэнне), вызначае мэты, задачы, умовы і парадак правядзення раённага конкурса “Гісторык. Патрыёт. Прыгоднік” (далей – Конкурс) у 2025 г. Прадстаўленыя на Конкурс матэрыялы павінны адпавядаць дадзенаму Палажэнню, мэтам і задачам Конкурса, а таксама ўмовам;

1.2. конкурс праводзіцца ў рамках 95-годдзя з дня нараджэння Уладзіміра Караткевіча;

1.3. арганізатарам Конкурсу з’яўляецца адміністрацыя і аддзел маркетынгу, сацыякультурнай дзейнасці і метадычнай работы цэнтральнай раённай бібліятэкі імя М. Засіма.

2. Мэты і задачы Конкурсу:

2.1. пашырэнне творчай актыўнасці бібліятэкараў;

2.2. папулярызацыя нацыянальнай літаратуры;

2.3. засваенне сучасных метадаў рэкламы кнігі;

2.4. папулярызацыя кніг як крыніц найважнейшых духоўна-маральных і сацыяльных каштоўнасцяў і далучэнне насельніцтва да чытання сродкамі сучасных інфармацыйных тэхналогій;

2.5. зацікавіць чытача і выклікаць падсвядомае жаданне прачытаць пэўную кнігу.

3. Парадак правядзення Конкурсу:

3.1. конкурс праводзіцца ў перыяд з 01.03.2025 г. па 30.10.2025 г.;

3.2. у Конкурсе ўдзельнічаюць усе бібліятэкі ДУК “Пружанская цэнтралізаваная бібліятэчная сістэма”;

3.3. інфармацыя аб правядзенні Конкурсу будзе прадстаўлена на сайце ДУК “Пружанская ЦБС”;

3.4. усе буктрэйлеры будуць размешчаны на старонках сацыяльных сетак бібліятэчнай сістэмы, на сайце і ютуб-канале.

4. Умовы правядзення Конкурсу:

4.1. на Конкурс прадстаўляюцца работы на беларускай мове;

4.2. прадстаўлены матэрыял на Конкурс павінен быць арыгінальным (не скапіраваным з Інтэрнэту).

5. Патрабаванні да зместу конкурсных матэрыялаў:

5.1. буктрэйлеры ствараюцца па кнігах Уладзіміра Караткевіча;

5.2. прымаюцца відэаролікі, слайд-шоў або камбінаваныя электронныя рэсурсы;

5.3. працягласць буктрэйлера — да 3-х хвілін;

5.4. абавязковым патрабаваннем да стварэння буктрэйлера з’яўляецца згадка ў ім аўтара і назвы кнігі;

5.5. відэасюжэты могуць суправаджацца гукавой дарожкай або цітрамі;

5.6. выкарыстаныя прэзентацыйныя матэрыялы павінны быць якаснымі: адрэдагаваны тэкст, фотаматэрыял, малюнак, гук і г.д.

6. Крытэрыі ацэнак:

6.1. ацэнку конкурсных работ ажыццяўляе журы Конкурсу, якое фарміруецца з кампетэнтных спецыялістаў;

6.2. журы вызначае пераможцаў конкурсу галасаваннем і ацэньвае работы па наступных крытэрыях:

— творчы падыход да стварэння буктрэйлера;

— арыгінальнасць задумы і яе адпаведнасць задачам конкурсу;

— тэхнічная складанасць выканання работы;

— эстэтыка афармлення і дызайн;

— арганічнасць спалучэння відэараду, гукавога суправаджэння і зместу кнігі;

—  эмацыйнае ўздзеянне.

7. Падвядзенне вынікаў і ўзнагароды:

Падвядзенне вынікаў конкурсу ажыццяўляе журы ў перыяд з 01 лістапада па 01 снежня 2025 года.

 Ацэнка праводзіцца па пяцібальнай сістэме. Па агульнай колькасці балаў вызначаюцца тры пераможцы, якія атрымліваюць дыпломы і падарункі. Журы мае права вызначыць таксама трох лаўрэатаў Конкурсу і ўзнагародзіць іх граматамі.

Узнагароджанне пераможцаў Конкурсу адбудзецца ў снежні 2025 года.