5 лістапада ў Ружанскай гарпасялковай бібліятэцы для дзяцей сярэдняга школьнага ўзросту прайшла гутарка “Міфалагічныя істоты беларусаў”.
Спрадвеку міфы існавалі на нашай зямлі. І ўжо некалькі стагоддзяў этнографы збіраюць і запісваюць легенды, казкі, паданні, пачутыя ад мудрых людзей. Гэта цікавыя гісторыі пра тых істот, якімі, па прадстаўленні нашых продкаў, была населена наша зямля. І менавіта гэтыя персанажы ляглі ў аснову беларускай міфалогіі, якую зберагла людская памяць і захавала вусная народная творчасць.
На мерапрыемстве дзеці пазнаёміліся з характарамі і звычкамі незвычайных і часцяком малавядомых міфічных герояў беларускіх легенд і казак, такіх, як Бай, Бордзя, Бялун, Жыцень, Зюзя, Мароз, Талака, Цёця, Лялё, Дзядок і іншыя.
Г.М. Заяц (бібліятэкар філіяла “Ружанская гарпасялковая бібліятэка”)