РЫГОР ІВАНАВІЧ БАРАДУЛІН (1935, Ушацкі р-н – 2014) – народны паэт Беларусі (1992), перакладчык, рэдактар, лаўрэат Дзяржаўнай прэміі БССР імя Янкі Купалы (1976), ганаровы доктар Беларускага дзяржаўнага ўніверсітэта, кандыдат на Нобелеўскую прэмію (2006), кавалер ордэна «Знак Пашаны», узнагароджаны медалём Францыска Скарыны.
Першыя вершы Барадуліна з’явіліся ў друку, калі ён яшчэ вучыўся ў старэйшых класах – у 1953 годзе ў газеце «Чырвоная змена» (пад псеўданімам А.Чабор).
Першы зборнік вершаў паэта «Маладзік над стэпам » выйшаў у 1959 годзе. У 1961 годзе выходзіць другі зборнік паэзіі — » Рунець, красаваць, налівацца!», а ў 1963 трэці — «Нагбом».
Усяго выйшла каля 70 паэтычных зборнікаў Барадуліна. Ён таксама пісаў сатырычныя творы, вершы для дзяцей, крытычныя артыкулы. Перакладаў на беларускую мову «Слово о полку Игореве», творы Шэкспіра, Байрана, Амара Хайяма. Вершы Барадуліна перакладаліся на дзясяткі іншых моў.
Паэт памёр 2 сакавіка 2014 года ў Мінску, пахаваны побач з маці на Ушацкіх могілках у Віцебскай вобласці.
Да 90-годдзя з дня нараджэння Рыгора Барадуліна у бібліятэках раёна аформлены кніжныя паліцы, на якіх экспануюцца зборнікі паэзіі.
Філіял «Ружанская гарпасялковая бібліятэка»
Філіял «Ліноўская сельская бібліятэка»
Рыгор Барадулін у сваіх творах пісаў пра таленавітасці беларускага народа і яго багатай духоўнасці. Ён пакінуў пасля сябе ўнікальную спадчыну, якая працягвае натхняць і сёння.