Дзень беларускага пісьменства з’яўляецца нацыянальным святам нашай дзяржавы. Ён праводзіцца штогод у першую нядзелю верасня ў адпаведнасці з Указам Прэзідэнта Рэспублікі Беларусь ад 26 сакавіка 1998 г. №157 “Аб дзяржаўных святах, святочных днях і памятных датах у Рэспубліцы Беларусь”.
У гэты святочны дзень мы, беларусы, аддаём даніну павагі нашым продкам, якія стварылі фундамент беларускай адукацыі і пісьменства.
Сталіцай Дня беларускага пісьменства ў 2024 годзе вызначаны г. Івацэвічы Брэсцкай вобласці. Горад сардэчна сустрэне шматлікіх сваіх гасцей.
Чытальная зала дзіцячай бібліятэкі запрашае пазнаёміцца з матэрыяламі кніжнай паліцы “Найлепшае кніжнае свята”, якая аформлена да Дня беларускага пісьменства.
Чулец Г.А. (бібліятэкар РДБ імя А.Лось)