Беларускія святы змяшчаюць шмат загадак і народнай мудрасці. Нашы продкі восенню цяжка працавалі, а зімою – адпачывалі і весяліліся. Бо толькі добра адпачыўшы, можна набрацца сіл і зноў плённа працаваць. А зімою, як вядома, што не месяц – свята!
У Пружанскай раённай дзіцячай бібліятэцы імя А. Лось прайшла гутарка-гульня “Зімовыя святы беларусаў”. Госці бібліятэкі даведаліся, як нашы продкі святкавалі Каляды, Стары Новы год, Хрышчэнне, Грамніцы, Аўласаў дзень.
Вучні згулялі ў гульню “Мароз” і пачулі апавяданне У. Ягоўдзіка “Зіма і Зюзя”. У зале гучалі вершы беларускіх паэтаў пра зімовую пару.
Чулец Г.А. (бібліятэкар РДБ імя Алены Лось)