7 кастрычніка вучні 3-4 класаў завіталі ў Ліноўскую сельскую бібліятэку на літаратурны ранішнік “Наш добры сябра – Эдзі Агняцвет”. У час мерапрыемства дзеці пазнаёміліся з творчасцю беларускай дзіцячай пісьменніцы, паэтэсы – Эдзі Агняцвет.
Імя Эдзі Агняцвет вядома не толькі ў нас, нашым чытачам, але і далёка за межамі Беларусі. Яе кнігі напісаны з любоўю і дабром да сваіх чытачоў. На старонках яе кніг многа сонца, святла, многа дабрыні і бесклапотнага дзіцячага смеху і жартаў.
У гэтым і пераканаліся прысутныя, якія на працягу ўсяго мерапрыемства з задавальненнем чыталі яе вершы.
А.М. Антончык (загадчык Ліноўскай СБ)