Чарговы літаратурны семінар, які прайшоў у цэнтральнай раённай бібліятэцы імя М.Засіма для супрацоўнікаў сістэмы, быў прысвечаны народнаму пісьменніку Беларусі Івану Шамякіну.
Загадчык аддзела маркетынгу, сацыякультурнай дзейнасці і метадычнай работы пазнаёміла прысутных з жыццём і творчасцю народнага пісьменніка.
У рамках семінара прайшла анлайн-сустрэча з загадчыцай бібліятэкі-філіяла №2 імя І.Шамякіна УК “Цэнтралізаваная сістэма дзяржаўных бібліятэк г.Магілёва” Святланай Валер’еўнай Равінскай.
У сваім выступленні Святлана Валер’еўна падрабязна расказала аб напрацоўках бібліятэкі ў галіне прасоўвання творчасці Івана Шамякіна. Асаблівая ўвага была нададзена практычным аспектам працы: якія менавіта метады і формы выкарыстоўваюцца для таго, каб творы І.П. Шамякіна знаходзілі водгук у шырокай аўдыторыі чытачоў. Былі прадстаўлены прыклады паспяховых мерапрыемстваў і ініцыятыў, накіраваных на тое, каб зрабіць літаратурную спадчыну пісьменніка больш даступнай і цікавай для кожнага наведвальніка бібліятэкі.
Н.М.Куцюк, метадыст аддзела маркетынгу, сацыякультурнай дзейнасці і метадычнай работы, правяла сярод калег літаратурную гульню “Жыццёвая мудрасць у творах І.Шамякіна”.
Напрыканцы семінара былі ўзнагароджаны пераможцы раённага бібліятэчнага конкурса буктрэйлераў па творах Уладзіміра Караткевіча “Гісторык. Патрыёт. Прыгоднік”.
 |
 |
 |
І.А.Кетрык, загадчык аддзела маркетынгу, сацыякультурнай дзейнасці і метадычнай работы