У “Навасёлкаўскай сельскай бібліятэцы” прайшла урок-гульня “Мудрасць беларускiх загадак”. Мерапрыемства было прысвечана багаццю і непаўторнасці беларускага фальклору, а менавіта – яго загадкам. Бібліятэкар пазнаёміла з гісторыяй загадак, расказала, як старажытныя людзі выкарыстоўвалі загадкі ў сваім паўсядзённым жыцці, як яны былі часткай абрадаў, гульняў і нават спосабам перадачы ведаў. Дзеці з цікавасцю слухалі пра тое, як загадкі адлюстроўваюць навакольны свет, прыроду, побыт і характар беларускага народа.
Г.П. Блеянюк (бібліятэкар філіяла “Навасёлкаўская сельская бібліятэка”)